=بالغربة نحيي الآربعين
أعتذر منك سيدي وأرجو السماح=مامشيت وية زوارك بهالآربعين
حتى جدمي زعل مني وينتظر=أشتاق لتراب التدوسه الزائرين
والقلب مرة حزن مرة فرح=لآن ما واسة اخوته الكاصدين
بس فرح من شاف كل هاي الحشود=حسبة موألاف صارت ملايين
خطت ألاف الآمتار بلايا خوف=رايات ومشاعل وبنورهم منورين
ذولة أشبالك يحيدر هالتشوف=لوجزعو مشي يزحفون علل الآيدين
جنهه ردت واقعة طف كربلا=وكل مئأثرهة هاليوم مرجعين
كنه عباس الطلع والراية بيده=ردن جفوفه وهذا أمل أم البنين
وكن حبيب الواكف بباب الحسين=يسجل ويستقبل أسماء الموالين
هالمسيرة اتقومت بأسم الآحرار=من العقيلة اقتبسناهة معاهدين
الحزن ساير وكتنه من الطفولة=من وعت دنيانه وعرفنه الحسين
شوفهة شطول المسافة لكربلا=لايظن اليظن عنك بعيدين
والشمس تشرق قبل كل جهة عدنة=يعني لسه الليل عدهم راكدين
ومن تصل قبتك أبو اليمه تكلك=أحبابك من الغرب شوق موصلين
كلوبنه تكصد ضريحك من بعيد=شما كصدنه بحقك احنه مقصرين
عادة اليعطش يدور عللماي=وعادة اليحزن تهل دمعة العين
وعادة بينة لوشربنة الماي= نذكر العطشان ابو اليمه حسين
ومن طبع الجرف ميفارك الروج=لو أجاه الجزر والمد يصفن حزين
شحال بينة ما نزورك سيدي=الموت احسن النه منما عايشين
الخوف مايندل دربنه ومايحبنه=علي والينة امير المؤمنين
وأبوفاضل ابنه معروف وشجاع=الكنطرة شهدتله وجفوفه الآثنين
نندب اسمك يالشدايد يابطل=الغدر بس يكدر النه اذا متنه فخورين
تعجبت الغربة واحتارت منهو ذولة=دومهم يحيون ذكرى مرسخين
وكل وكت عدهم مراسيم وحيوهة=مادرو بحب أهل بيت النبي متوسمين
والنواصب بعد كالعادة بغدرهم=ولقتل شيعة علي متهيأين
منهم أحفادأل امية وأل مروان=تحالفو ضدنة بكفر وية البعثيين
ظنهم يمنعون كل زائر يزور=وبقنابلهم حقد بأي وسيلة مبتغين
برد أعصابك يحاقد ولا تدوخ=ويامه كبلك جربوهة من أسنين
والنتيجة زاد حبنة وتمادينة=ومن بعد كعبة الله صار قبلتنه الحسين