نتحده كلمن يضدنه=وعنج كربلا يمنعنه
عاهدنه زينب نمشيلك=نضحيلك يحسين بدمنه
=1
أحبابك هاليوم اتحضرو=خطوة بخطوة يتعنون
لريحانة طه كصدولة=ولزينب همه يواسون
شاب وشايب والآطفال=للغاضرية يمشون
زينب والسجاد وياهم=لعباس الراية يسلمون
\=\
ترجعله هالليلة زنوده=والراية تنهض وي جوده
=بأسمك يالعباس هتفنه
=2
ياريتك تطلع وتشوف=زوارك زادو يحسين
زينب تتلكه المشاية=وتتباهه بيهم ماشين
يوم الحشر جنهه صارت=أنصارك بين القبتين
والمهدي حاضر ويعاين=كل دمعة تنزل بالعين
\=\
نسولف همنه ونحجيله=والعبرة بهظم تبجيله
=ونقدملك كل ماعدنه
=3
غريزة بينة ابو اليمه=لونسمع بصوت أسمك
الدمعة تنزل بحرقة=نحس بيهه تصل يمك
والروح لكربلا تكصد=همنه جزء من همك
نذكر نحرك المحزوز=ودمنه يغلي وي دمك
\=\
رغم البعد نوصل ليك=انته صرحنه مخليك
=أسمك يحسين اليجمعنه
=4
رغم كل ظالم اليمنع=تحدينة الظلم والخوف
القرون السابقة تشهد=كطعو لليزور جفوف
المقابر هالجماعية=شاهد لليريد يشوف
وزرعو بالدروب الموت=شنهو الموت لامنعوف
\=\
متعنيتلك كل خدامك=والروح ترخص كدامك
=أخطار الدنيا متهمنه
=5
بالغربة والمنفى حيينه=كل أرض كربلاء
اليوم العاشر عاش ويانه= كل يوم عاشوراء
الفركة تحز في خاطرنة=نجدد حبنه والولاء
نتمنه اليوم اليحمعنه=تحت قبة الآولياء
\=\
نعزي المرتضى بحسين=وعهد للزهرة منطين
=وهمان العنك يبعدنه
=6
المقطع هذا للكاتب= اعذر مولاي المهموم
عيوني تشابح كل خدامك=العبرة خنكتني ومهظوم
الفكر وياهم يمشي=وجدمي حزنان ومحروم
أتشرف بتراب الكاع= منت خطهه المشاية اليوم
\=\
بطول المسافة تسمعني=حبك يحسين مجنني
=من صبرك احنة تعلمنه
\=\
نتحده كلمن يضدنه=وعنج كربلا يمنعنه
عاهدنة زينب نمشيلك=نضحيلك يحسين بدمنه